KOLDO MITXELENA ERAKUSKETA

Martxoaren 5ean klaseko orduan Koldo Mitxelenako erakusketa ikustera joan ginen.
Pedagogia arloko arduradunak eraikinaren antolakuntza eta funtzionamendua azaldu zizkigun, batez ere, artearekin egiten duten lana.

Nahiz eta hemen antolatzen diren erakusketetan 11 urtetik berakoentzat sarrera debekatua egon, interneteko erreferentzi ugari eman zizkigun, haurrekin artea nola landu genezaken ikusteko. Honekin lotuta, guk ez genuke sarrera debekatuko, modu honetan haurrei artea ezagutzeko muga bat ezartzen diogulako. Hau dela eta, erakusketaren antolakuntza moldatuko genuke artelanak babestuz (hesi bat jarriz).

Ondoren, Process in Dialoge erakusketara joan ginen. Eta bertan bi artisten obrak azaldu zizkigun, bertan azken obrara iristeko prozesua azalduz. Aipatzekoa da, bi artista hauek komunean duten ezaugarrietako bat koloreei ematen dieten garantiza dela.

Erakusketa honetan argi ikusi dugu artea oso subjektiboa dela eta bakoitzak bere nortasunaren arabera interpretatzen duela. Beraz, artistaren ikuspuntua edo obra ulertzeko ezinbestekoa da erakusketako arduradunen azalpena, zeren eta egileek hauei transmititzen baitiete obrarekin lortu nahi duten asmoa.